Mien Heimatdorp.

 Oh, in Bronswiek is dat schöne,
Ja, in Bronswiek is dat gut.
Wer jedoch well better wohnen
Trecket hen nah Rühme rut.
Links de Oker rechts de Schunter,
beide sünd so klar wie Teer,
Minsche wutt du denn noch mehr? 

Water haste, greune Wischen
Spargel siehste wiet un briet,
kannst in beiden Watern swimmen
un dat Holt es ok nicht wiet.
Kannst von hier nah'n Rheine schippern,
Bremen, Hamburg bet int Meer,
Kannst dabie saugar versupen,
Minsche wutte denn noch mehr?

Wenn'e hast noch keine Frue,
kumm doch mal nah Rühme rut.
Sicher findst du hier ne gue
jedes Mäken is gern Brut.
Awer moßt et recht beginnen,
denn kriegst lichte du Verkehr,
werst denn ok de rechte finnen,
Minsche, wutte denn noch mehr?

 

Ne, et werd dik nich gerüen,
treckst nah hier du ut de Stadt,
kannst vellicht en Mäken frie'en
dat en Hus in Rühme hat.
Dadorch werste veel gewinnen,
glicks richt et ne Wohnung her,
de du swerlich süüs de'est finnen,
Minsche, wutte denn noch mehr? 

Wenn'n meinst, kannst keine kriegen,
un dik schient de Sacke krus,
lat dik ra'en un overtügen,
bu in Rühme dik en Hus.
Ne, hier kannste nich verdarben,
hier geiht gar nist dik verquer,
kannst saugar hier selig starben
Minsche wutte denn noch mehr?

 
       

© Mei 2006 aus „Platt is dat Beste

Impressum/Kontakt